Simanzi maziko ndugu wa Stereo

Baba Mdogo, Mama Mdogo, Mjomba na watoto wa kaka wa Rapa Stereo ambao wamepoteza maisha mwishoni mwa wiki kwa ajali ya moto baada ya nyumba yao kuungua maeneo ya Ukonga Banana, wamezikwa leo huko Ukonga Jijini Dar es Salaam.

                     Msiba wa ndugu zake msanii wa muziki nchini Stereo

Maziko hayo yamehudhuriwa na idadi kubwa ya waombolezaji akiwemo Makamu wa Rais Dk. Mohamed Gharib Bilal, Waziri asiye na Wizara Maalum Prof. Mark Mwandosya, Mkuu wa Mkoa wa Dar es Salaam Bw. Said Meck Sadiki, wakiwepo pia mastaa kadhaa wa muziki pamoja na wananchi wa kawaida.
Msiba huo mkubwa, umeweza kumgusa kila muombolezaji kwa namna yake hasa kutokana na mazingira ya vifo vya marehemu, ambapo bado taarifa rasmi ya chanzo cha moto uliosababisha janga hilo haijatolewa, tetesi za kuaminika zikiwa ni kuwepo kwa hitilafu ya umeme ambayo ndiyo iliyosababisha moto kuwaka.
eNewz tunamtakia faraja rapa Sterio, wanafamilia, ndugu na kila aliyeguswa na msiba huu mzito kwa namna moja ama nyingine na tunaziombea roho za Marehemu mapumziko mema peponi, Amin.