2face ajuta kuwa na watoto wengi

Staa wa muziki kutoka Nigeria, 2Face Idibia ambaye kwa sasa ni baba wa watoto 7 kutoka kwa mama watatu tofauti, ameweka wazi kuwa angeweza kubadilisha hali ya mambo, angependelea watoto wake wote hawa wawe ni kutoka kwa mama mmoja.

msanii wa muziki wa nchini Nigeria Tuface Idibia akiwa na mkewe Anne

2Face amesema kuwa, haukuwa mpango wake kupata watoto kutoka kwa mama tofauti tofauti, lakini ni kitu ambacho kimekwishatokea, hivyo imempasa kukubaliana na kuishi nacho.
Msanii huyu kwa sasa amemuoa Annie Macaulay Idibia, huku watoto wake wengine wakiwa ni kutoka kwa Sumbo Ajaba ambaye sasa ameolewa na mume mwingine, na mama mwingine akiwa ni Pero Adeniyi.